WADAU WAHAMASISHWA KUSHIRIKI JUKWAA LA MWAKA LA MASHIRIKA YASIYO YA KISERIKALI 2026

-


DAR ES SALAAM – Zaidi ya washiriki 3,000 kutoka Tanzania na nchi za Afrika Mashariki wanatarajiwa kushiriki Jukwaa la Mwaka la Mashirika Yasiyo ya Kiserikali (NGOs) 2026, litakalofanyika Oktoba 20 hadi 22 katika Ukumbi wa Mikutano wa Jakaya Kikwete (JNICC) jijini Dodoma.


Akizungumza na waandishi wa habari jijini Dar es Salaam, Mwenyekiti wa Baraza la Taifa la Mashirika Yasiyo ya Kiserikali (NaCoNGO), Jasper Makala, ametoa wito kwa mashirika yasiyo ya kiserikali, taasisi za Serikali, sekta binafsi, washirika wa maendeleo na wananchi kushiriki kikamilifu katika maandalizi na utekelezaji wa jukwaa hilo muhimu kwa maendeleo ya taifa.


Makala amesema jukwaa la mwaka huu litafanyika chini ya kaulimbiu ya “Fikra Mpya Kuhusu Uendelevu wa Mashirika Yasiyo ya Kiserikali: Ubunifu, Ubia na Upatikanaji wa Rasilimali Fedha Kupitia Vyanzo vya Ndani,” ikilenga kuhamasisha sekta hiyo kuimarisha uwezo wa kujitegemea na kuongeza mchango wake katika maendeleo ya jamii.


Amesema jukwaa hilo litatumika kujadili mikakati ya kupunguza utegemezi wa ufadhili wa nje kwa kuimarisha vyanzo vya ndani vya rasilimali, kukuza ushirikiano baina ya wadau na kuhimiza matumizi ya teknolojia na ubunifu katika utekelezaji wa shughuli za maendeleo.


Kwa mujibu wa Makala, jukwaa hilo pia litakuwa fursa ya kujadili mafanikio, changamoto na fursa zilizopo katika sekta ya mashirika yasiyo ya kiserikali, huku likiweka mazingira ya kubadilishana uzoefu na kujenga ushirikiano wenye tija kwa maendeleo ya nchi.


Amebainisha kuwa kabla ya jukwaa la kitaifa kufanyika, kutakuwa na majukwaa ya ngazi ya wilaya yatakayofanyika Juni na Julai, pamoja na majukwaa ya ngazi ya mikoa yatakayofanyika Agosti na Septemba mwaka huu kwa lengo la kukusanya maoni na mapendekezo kutoka kwa wadau wa maendeleo.


Makala amesisitiza kuwa mashirika yasiyo ya kiserikali yanaendelea kuwa wadau muhimu katika sekta mbalimbali zikiwemo elimu, afya, jinsia, uwezeshaji wa wanawake na vijana, utawala bora pamoja na maendeleo ya jamii, hivyo ushiriki mpana wa wadau utachangia kuimarisha mchango wa sekta hiyo katika kufanikisha Dira ya Taifa ya Maendeleo 2050.


Jukwaa la Mwaka la Mashirika Yasiyo ya Kiserikali huandaliwa na NaCoNGO kwa kushirikiana na Wizara ya Maendeleo ya Jamii, Jinsia, Wanawake na Makundi Maalum pamoja na wadau wengine wa maendeleo.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more